HAPPY BIRTHDAY (6)

.
Handsome aur nau-jawan Sandip ka aaj birthday tha
Usne Suman ke saath 5-star hotel me dinner, aur baad me wahin par raat guzaarne ka plan banaya tha.
Magar Suman ne aaj apne husband, Sandip ko surprise dene ka alag hi, counter-plan banaya tha.
.
According to her plan, Suman ne Juthmuth apne pati ko yeh bataya, ke wo chennai ja rahi hai, uski bimaar saheli ko milne.
Magr khud uus raat Birthday Cake la ke, ghar ko decorate kar ke, andar ekdam andhera kar ke, apne bhai Saurav ke saath, apne husband ka, ghar par wait karne lagi.
Usey laga, ke Sandip usey ghar par dekh kar, ekdam surprised ho jayega..happily surprised...bahut khush hoga woh..
.
Aur iis plan ke mutabik, Sandip jab ghar pe aaya toh Suman ne, all of a sudden Hall ki sabhi lights on kar di,
aur dono bhai behan, zor-zor se usey birthday ki wishes dene lage..
.
Par tabhi suddenly uska dhyan gaya, ke Sandip akela nahi tha.
Uskey saath, uska young and handsome assistant Pramod bhi tha.
Suman aur Saurav ki presence se anjaan, dono mard darwaaze par hi, ek dusre ko kiss karte hue, lipat kar khade thhe..
Suman ne fauran andaaza laga liya, ke uska pati gay hai.
aur apne assistant ke saath, uska sex ka chakkar chal raha hai.
.
Rotee, chillati hui, wo bedroom ki aur bhaagi
aur uskey pichey, Saurav, Sandip aur Pramod teeno andar gaye.
Teeno mard ekdam tensed thhe, ke Suman ko kaise samhala jaae..
.
Bahar ka hall, ab khali ho chuka tha.
Room ki Decorations waise hi, undekhi reh gayi thi.
Tipoy pe padi Cake, maano ke, ekdam udaas si reh gayi thi, akeli..
.
Teeno andar bedroom me gaye to..
wahaan bistar pe Suman ulta let kar, takiye mein muh chhupa kar ro rahi thi.
.
Darwaza khulne ki awaaz se wo chilla uthi-
"GET OUT.. u everyone. Leave me alone..!"
.
Teeno mard ek hi jagah par thahar gaye.
Koi kuchh bol nahi pa raha tha..
.
ek pal ke baad,
Sandip apni sab himmat bator kar apni wife se bola-
"dekho Suman.."
"SHHHUTT UUUPPP.." -Suman chillayi.
.
ek pal ke liye, fir sab tham sa gaya.
.
Ab..
Saurav aage badha..
aur apni didi ke paas gaya..
uske kandhe pe haath rakha, aur kaha:
"Please didi... Didi please, stop crying now.."
.
magar Suman ne uska haath apne kandhe se hatana chaha
toh Saurav ne apna dusra haath bhi mazbuti se uske dusre kandhe par rakh diya.
"take it easy didi.. Please didi, relax.. just relax. dekho tum ne jeeju 'surprise' dena chaha. magar ulta, 'surprise' toh usney aapko de di."
.
yeh suunkar Suman tadapkar chilla uthi-
"surprise..? was it a SURPRISE ? NO, yeh surprise nahi tha. This was a SHOCK.."
"Ok..Ok, whatever..tumhare liye toh ye shock hi hoga. I understand."
.
"mere liye..? sirf mere liye..? only for me..? tumhare liye ye kuch nahi tha..?"
Suman jalla kar apne bhai se boli.
.
"no.. not at all, didi. mere liye yeh kuch nahi tha.."
"what..?" -Suman behti hui aankho se apne bhai ko dekhti rahi.
"yeah, kyu ke ye surprise to maine, aur jeeju ne milkar plan ki thi....hehehehe... "
kehte hue Saurav zor se hans diya.
.
Saurav ki baat suun kar, room ke baaki sab confused ho gaye.
Saurav ye kya bol raha hai..?
what the hell...!
.
"what do u mean..?" -Suman ne apni confusion zaahir ki.
.
Sabse jyada confused to Sandip tha
magar usey to kuch bolne ka suuj hi nahi raha tha.
"Saurav," -woh confusion mein bol utha, "ye jo plan ki baat.. "
.
"Jeeju please. Lagta hai, ke Didi ko over-doze ho gaya hai. Usey mai hi samhaulnga. Aap rehne do. I'll tell her every thing. Dekho, didi, yeh mere hi shaitan dimaag ki saajiz thi. It was just a joke, that's all. So you just, just don't over re-act. Ok?
.
Suman ka rona ruuk gaya,
magar siskiyaan abhi bhi jaari thi.
Woh achraj bhari nazro se apne bhai ke saamne dekhti rahi..bina kuch kahe.
.
"Actually jab tumne, muje jeeju ko surprise dene ka apna plan bataya, ke tum us'sey juthmuth kahogi ke -tum chennai ja rahi ho- aur fir raat tak usey tadpaana hai, to muje laga, ke kyo na tumhe bhi thoda surprise diya jaaye.
Maine apne pyaare jeeju ko tumhara yeh plan bata diya.
Ab, woh to itne sidhey hai, and so divoted to u, ke wo bole -ok, then I will pretend ke I am surprised. Agar is'sey Suman amused hoti hai, toh fir muje beokuf ban'ne mein koi problem nahi.
Par maine kaha -nothing doing jeeju. Ulta ham didi ko surprise denge. Uski dawa usey hi pilaenge.
Kaise, -unhone pucha
toh maine kaha -Ham ek counter plan banate hai. Aap pretend karo ke apni biwi ki absense ka, aap faida utha rahe ho. Neighbour waali Sunanda-Aunti se fon karwa ke, didi raat ko 10 baje ke aaspaas, aapko ghar bulane wali hai. Uus waqt aap kisi ladki ko lekar aa jana. Aap ko ladki ke saath dekh kar, wo baukhla jayegi. Maza aayega uska reaction dekhne mein.
but this will be too much for her -unhone kaha
to maine kaha -kuch nahi hoga Jeeju, mai rahunga na usey samhalne, aur aap ko support karne ke liye.
Tab ja kar wo taiyyar hue thhe. Samji ? meri pyari didi...!"
Saurav ka itna bada lecture sunn kar Suman ki confusion duur hoti chali aur woh samhalne lagi.
Magar bechaare Sandip ki confusion badhti gayi..
Saurav ye kya bole ja raha hai..
aisa kab kuchh hua hai..?
usey to dono mein se, ek bhi plan ka pata nahi tha.
Na suman ke plan ka, aur na hi Saurav ke plan ka.
.
Lekin wo chup raha.
kyo ke bahar hall mein hi, Saurav ne usey kaha tha, ke -keep your mouth shut.
.
Bistar se duur, dressing-dable ke paas ek jagah pe, Pramod aur Sandip agal-bagal mein khade ho kar, ye sab baatein suun rahe the.
.
"Lekin baat to ladki ko laane ki thi, to fir ye Pramod..?" -suman ne sawaal kiya
Saurav uth ke Sandip ke paas aaya
aur uske kandhe pe haath rakh ke bola-
"apne husband ke baare mein, kya tum itna bhi nahi jaanti, ke kitna seedha hai yeh..?
ab, kisi ladki ka intazaam karna, uske liye kitna mushkil tha. arey, kisi ladki se yeh, itna close hai hi nahi, ke usey iis plan me shaamil kar sakey. Now, office ki uus budhiya, Maria ko toh la nahi sakte the na..! Aur agar laate, toh tumhe shock lagne ke bajaaye hansna aata. hehehe..! Ulta, apne husband ki choice pe tumhe sharm aati. Toh maine kaha -Pramod ko hi le lo. Aajkal GAY culture bhi to kaafi common hotey chala hai, aur Pramod toh, waise bhi kafi handsome naujawan hai. Didi aapko gay samaz kar, aur bhi jyada shocked ho jayegi."
.
.
Itna kehte kehte Saurav, fir bistar pe, apni didi ke paas aa kar baith gaya
Uskey chehere par ek natkhat si muskurahat feil gayi..
Sab baat aahista aahista, samaj mein aa rahi thi, Suman ko..
Ab uska gussa Sandip ke baajaye, apne laadle bhai Saurav pe utar aaya..
khud beokuf jo ban gayi thi..
aur usey beokuf banaya tha, uske apne hi chhote bhai ne.
Dusro ko kadvi dava pilane chali thi, woh
magar khud ka hi muh kadva ho gaya tha, kuch palo ke liye.
.
"You scoundrel... tum kabhi apni harkato se baaz nahi aaoge...!"
-Aur takiya utha ke, usne Saurav ko de maara.
.
Saurav wo takiya pakad ke, uuth khada hua.
Toh, baaju mein pada flower-pot utha ke, wo Saurav ke pichey bhaagi.
.
Saurav bhaag ke, Sandip ke pichey aa khada hua
aur Sandip ko pichhe, kamar se pakad liya aur bola
"Jeeju bachao.. jeeju..jeeju..plz..plz..  help me.."
.
Suman Sandip ke pichey aayi..
toh Saurav Sandip ke aage aa gaya.
Aur aise dono bhai behan, Sandip aur Pramod ke aas paas chakkar kaatne lage.
.
Aakhir Suman thak gayi
aur farsh pe baith gayi.
Saurav apni didi se lipat gaya.
.
Suman nakli gussa jataate hue, halke haatho se usey pitne lagi
"itne badey ho gaye, lekin abhi tak tumne muje satana nahi chhora. I'll kill u... u rascal.. "
.
Atmosphere, ab normal hota chala..
Aakhir sab hall me aaye.
Tipoy par padi hui, akeli udaas Cake, maano ke muskura uuthi.
uska birthday-boy laut aaya tha..fir uskey paas
.
Sandip se cake katwaayi gayi..
aur uska birthday celebrate kiya gaya.
.
Sandip ne Suman ko, aur Suman ne Sandip ko cake khilaayi.
To Pramod aur Saurav ne ek-duje ko cake khilayi.
Dono bhai behan ne Sandip ko birthday wish kiya.
Nervous Pramod kuch bol hi nahi pa raha tha..
fir bhi once again, usne Sandip ko birthday wish kiya.
aur bola-
"Sir, should I leave now..? "
.
Sandip kuch boley us'sey pehle Saurav ne jawab diya.
"Oh..ya Pramod... U may leave now..And thanx a lot, for all your co-operation."
.
Sandip halka sa muskuraya.
Jyada kuch bolne ke hosh nahi the, uske.
.
Pramod room chhor ke bahar gaya..
toh Saurav fir bol utha:
"Didi, Jeeju ne puri raat ke liye room book karwa rakh hai..toh aap log wahi chale jaao aur ye celebration wahi continue karo. I'll sleep here..and Jeeju, aapki wife ne, aaj ke important din pe aapko dinner pe bhi saath nahi diya. on the contrary, pura din aap ko akela aur tensd rakha tha. Ab aap iis baat ka badla jarur lena..khub satana usey wahaan par..hehehe.."
.
"My birthday boy.. I'm so sorry..!" -Suman, apne husband ko ek haath se apni baaho me lete hue boli- "come on, let's move munna, nahi to raat yahi khatm ho jayegi."
.
Sandip kuchh na bol paya.
Saurav ne usey aankh maari aur hans diya.
.
Ab Sandip ko Saurav ki kabeeliyat aur neeyat, dono par pura bharosa ho raha tha
aur isiliye, woh apni wife ko lekar, hotel pe jaane ke liye ready hua.
.
Jaise hi dono bahar nikle..
Saurav ne hotel Gaylord pe fon lagaya
.
"Hello Gaylord ? aap ki hotel mein Sandip Sahni ke naam se room book ki gayi hai na..?"
"yes sir,"
"dekhiye, in a short while, he is coming there with his wife. Toh please, aap uske room ko, fir se theek-thaak karwa ke, ekdam ready rakhwa dijiye. "
"ok sir..we will do the needful."
"but its very urgent. you need to do it very fast."
"dont worry sir."
.
Saurav, ab befikr ho ke bistar pe leit gaya.
Aur raat yuhi beet'ti gayi..
.
.
haan, raat toh bit'ti gayi
magar Pramod ki aankho ki neend, ekdam hi uud gayi thi..
.
usey samaz mein nahi aa raha tha, k Sandip-sir actually beokuf bann gaye hai
ya sirf beokuf ban'ne ka naatak kar rahe hai..............(contd..)
.
==================================